Fyrir þá sem að hafa gaman að því að spóla og hafa hátt þá bendum við á að spólsvæðið okkar er opið á nóttunni alla bíladaga og þar eru allir velkomnir til að spóla og hafa gaman.

Einnig viljum við minna gesti bíladaga á Siðareglur bíladaga sem hljóma eftirfarandi

Við göngum (keyrum) vel um bæinn okkar, jafnt gestir sem heimamenn. Virðum hámarkshraða í íbúðarhverfum sem og á vegum úti. Við spólum einungis á akstursíþróttasvæði Bílaklúbbs Akureyrar. Gestir Bíladaga eru jákvæðir og þar af leiðandi þrælskemmtilegir. Við berum virðingu fyrir náunganum og tökum höndum saman um að gera Bíladaga frábæra! Gestir Bíladaga ganga snyrtilega um umhverfi sitt.

Höfum gaman Bíladaga vikuna og höldum spóli og hraðakstri af götum bæjarins!