Aðalfundur BA verður haldin 24. janúar 2026 kl. 13:00 stundvíslega í félagsheimilinu okkar að  Hlíðarfjallsvegi 13.

Hér að neðan má finna upplýsingar um lausar stöður innan stjórnar og deilda eins er linkur að lögum félagsins ef menn vilja  senda inn tillögur að lagabreytingum félagsins.

Lausar stöður innan stjórnar. 

Varaformaður kosin til 3ja ára.

Fjölmiðlafulltrúi kosin til 2ja ára.

Ritari kosin til 2ja ára.

Meðstjórnandi til 2ja ára.

Varamaður til 2ja ára.

Vakin er athygli á 5.gr laga 3. Stjórn er heimilt að skipta með sér verkum á fyrsta fundi nýrrar stjórnar, sem haldin er innan 2ja vikna frá aðalfundi.

 

 Til að geta gefið kost á sér í stjórn þarf viðkomandi að vera búin að greiða í félagið a.m.k. sl. 3 ár einning að hafa tekið þátt í keppnishaldi,

mætt á félagsfundi eða tekið þátt í starfi klúbbins á einhvernhátt.

 

Kosið er árlega um eftirfarandi stöður:

1. Jeppadeildar-formaður.
   Deildin heldur Torfærukeppnir samkvæmt árlegu keppnisdagatali. Sér um að manna keppnir og skipuleggja, og aðstoðar við öflun sýningatækja á bílasýningu.
2. Spyrnudeildar-formaður.
   Deildin sér um allar spyrnukeppnir samkvæmt árlegu keppnisdagatali. Sér um að manna og skipuleggja keppnir.
   Skipuleggur opin æfingarkvöld og aðstoðar við öflun sýningatækja á bílasýningu.

     3.Sýningardeild. Sér um 17. júní bílasýninguna

4. Fornbíladeildar-formaður.
   Deildin skal vera virk í að kynna fornbíla- og bílamenningu fyrir almenningi og hafa umsjón með uppgerð og varðveislu fornbíls í eigu BA.   Og aðstoðar við öflun sýningartækja á bílasýningu.
5. X-Race Deildar-formaður.
   Deildin sér um  auto x, burnout og drift keppnir samkvæmt dagatali og stendur einnig fyrir opnum æfingarkvöldum og
   aðstoðar við öflun sýningatækja á bílasýningu.
6. Ungliðadeildar-formaður.
   Deildin stendur fyrir unglingastarfi innan félagsins og kemur á framfæri hugmyndum um námskeið og fræðslu varðandi, bíla, keppnir og keppnishald fyrir ungt og óreynt fólk.
7. RC deildar-formaður.
   Deildin sér um allslags hluti tengda RC bílum (Radio controlled cars) eða Fjarstýrðir bílar
8. Rallycross deildar-formaður

Sér um að halda utan um rallycross, afla mannskal við að halda keppnir og aðstoðar við öflun sýningartækja á bílasýningu.

9. Landsvæðanefnd.
   Landsvæðanefnd hefur yfirumsjón með  landssvæði BA ásamt félagsheimili og öðrum eignum BA. Nefndin hefur umsjón með og ber ábyrgð á því hverjum er veittur aðgangur að eignum félagsins. Nefndin ber ábyrgð á að eignir félagsins séu vel hirtar og ávalt til fyrirmyndar.
   Nefndin skipuleggur og úthlutar tímum og lyklum að landsvæði og í félagsheimili til deilda og annarra sem hafa verkefni á vegum BA með höndum.
10. Laga- og aganefnd.
    Nefndin er stjórn og deildum innan handa með lagalegar upplýsingar og ráðgjöf og getur tekið þátt í að leysa úr ágreiningi sem upp kann að koma innan félagsins.
    Nefndin hefur aðgang að öllum gögnum félagsins sem hún telur nauðsynlegt við úrlausn mála sem hún hefur fengið umboð til að vinna.

 

Dagskrá fundar.

1. Formaður setur fundinn og boðar kosningu fundarstjóra
   og ritara fundarins.
2. Fundarstjóri kannar lögmæti fundarins og kynnir dagskrá
   hans.
3. Formaður flytur skýrslu stjórnar.
4. Deildarformenn flytja skýrslu sinnar deildar. Jeppadeildin,
   auto-x deildin, spyrnudeildin, fornbíla deildin, rallycross, ungliða og  rc deildin.
5. Umræða um skýrslu stjórnar/deilda.
6. Lagabreytingar  lagðar fram. Afgreiddar með
   skriflegri kosningu.

Lög taka strax gildi hafi 2/3 hluti mættra fundarmanna
samþykkt.

7. Kosning stjórnar sbr. gr. 5. Skrifleg kosning ef þess þarf
   og tilkynnt eftir kaffihlé.
8. Kaffihlé.
9. Kosning skoðunarmanna reikninga sbr. gr. 5. Kosning,
   handaupprétting.
10. Kosning formanns Laga og aganefndar.
    handaupprétting.
11. Ákvörðun um gjald félagsskirteina BA.
12. Önnur mál.

 

Aðalfundur er löglegur ef löglega er til hans boðað og mæting kjörgengra félagsmanna sé lágmark 15 manns auk allra 9 stjórnarmanna.

 

Hafir þú áhuga á að sitja í stjórn BA eða vera formaður deilda þá þarf að tilgreina nafn, kennitölu og ef þú sækist um einhverja sérstaka stöðu innan stjórnar , og/eða ert með tillögur um lagabreytingar þarf það að berast viku fyrir aðalfund eða
í síðasta lagi kl: 12:59 þann 11. janúar 2026 á ba@ba.is

 

Linkur á lög og reglur félagsins.

Lög og reglur BA