Nú fer að líða að nýtt keppnistímabil hefjist aftur.

Þann 1 febrúar síðastliðinn á stjórnarfundi var samþykkt ný
námskrá varðandi námskeiðahald í Akstursíþróttum. 

Haldin verða árleg námskeið
Það eru komnar dagsetningar á nokkur námskeið.

* _Keppnisstjórar fimmtudaginn 7 apríl kl 20:00_
* _Dómnefndar námskeið laugardaginn 23 apríl og mánudaginn 25
apríl (tveggja daga námskeið)_
* _Öryggisfulltrúa námskeið (dagsetning ekki komin á hreint)_
* _Kynningarfundur fyrir keppendur miðvikudaginn 4 maí_
* _Mótakerfi ( dagsetning ekki komin á hreint) _
* _Skoðunarmanna námskeið ( dagsetning ekki komin á hreint)

Stefnan er að halda sem flestu námskeið í fjarfundi svo sem flestir
geta tekið þátt hvar sem þeir eru staðsettir á landinu.

Við munum auglýsa þessi námskeið á heimasíðu og facebook. Þar
sem hægt er að nálgast skráningarform.

Við hvetjum ykkar aðildarfélaga að taka þátt, námskeiðin eru
opin fyrir alla sem hafa áhuga á að auka þekkingu og starfa við
akstursíþróttir.

Þeir sem að sátu námskeiðin í fyrra þurfa ekki að sitja þau í ár.

Námskrá
Akstursíþróttasamband Íslands
GREIN 1 ALMENNT
1.1 Þessi námskrá inniheldur þær menntunarkröfur sem gerðar eru til einstaklinga sem starfa við akstursíþróttir á Íslandi.
1.2 Námskráin nær ekki yfir möguleg sértæk hæfisskilyrði sem einstaka greinar kunna að setja á starfsfólk í greinareglum.
1.3 Til að auka þekkingu og færni er einstaklingum heimilt, og þeir hvattir til, að sitja námskeið í hvert sinn sem það er
haldið, þó þeir hafi þá þegar gild réttindi til tiltekins embættis.
1.4 Stjórn AKÍS ber ábyrgð á efni og framkvæmd námskeiða en er heimilt að fela einstaklingum eða hópum gerð námsefnis
og kennslu.
GREIN 2 KRÖFUR
2.1 Einstaklingur sem hyggst sinna einhverju eftirtalinna embætta við akstursíþróttaviðburð á Íslandi skal að hafa setið
námskeið á vegum Akstursíþróttasambands Íslands, eða sambærilegt námskeið á vegum FIA fyrir tiltekið embætti:
2.1.a Formaður dómnefndar í keppni til Íslandsmeistaratitils;
2.1.b Keppnisstjóri í keppni til Íslandsmeistaratitils;
2.1.c Öryggisfulltrúi á akstursíþróttaviðburði.
GREIN 3 RÉTTINDI
3.1 Seta á viðeigandi námskeiði veitir réttindi til að sinna viðkomandi embætti í allt að 5 ár frá lokum námskeiðs.
3.1.a Gildistími réttinda kann að verða styttur ef verulegar eða mikilvægar breytingar verða á reglum að mati stjórnar AKÍS.
3.1.b Sinni einstaklingur ekki viðkomandi embætti í að minnsta kosti einni keppni á tveimur samfelldum keppnistímabilum
fellur þessi réttur niður og þarf hann þá að sitja námskeið að nýju til að öðlast fyrri réttindi.
3.1.c Gerð er krafa um að formenn dómnefnda í keppnum til Íslandsmeistara sitji ár hvert námskeið um störf dómnefnda.
GREIN 4 NÁMSKEIÐ
4.1 Námskeið sem þessi námskrá gerir kröfu um setu á skulu vera haldin hið minnsta árlega á Íslandi.
4.2 AKÍS er heimilt að halda námskeið samkvæmt námskrá hvort heldur sem er í fjarfundi eða ekki.