Bílaklúbbur Akureyrar

Nú blæs stjórn EY-LÍV til veislu á Akureyri dagana 13.-14. febrúar n.k. en þá halda þeir stórsýninguna Vetrarsport 2010 í Boganum. Sýningin mun bjóða upp á allt það stærsta, mesta og besta í vetrarsportinu okkar og verða sýningarbásar frá helstu jeppa- og snjósleðaumboðum landsins ásamt fjölda sýningartækja frá einstaklingum.

Bílaklúbburinn verður að sjálfsögðu með bás á staðnum og þar kynnum við uppbyggingu á akstursíþróttasvæðinu okkar ásamt starfsemi klúbbsins í heild. Þeir sem hafa áhuga á að hjálpa okkur þessa helgi geta haft samband á ba@ba.is