Bílaklúbbur Akureyrar

Skráning er nú hafin í þriðju og síðustu umferð Íslandsmótsins í sandspyrnu en keppnin fer fram í landi Hrauns í Ölfusi laugardaginn 11. september. Það eru Bílaklúbbur Akureyrar og Torfæruklúbburinn (Formula Offroad Club) sem halda þessa keppni. Skráning fer fram í tölvupósti á netfanginu ba@ba.is og það sem koma þarf fram við skráningu er: Nafn ökumanns og kennitala, gerð ökutækis og flokkur ásamt upplýsingum um akstursíþróttaklúbb. Skráningu lýkur mánudaginn 6. september kl. 23:59.-

Lesa meira

Við þökkum Gunnari Rúnarssyni fyrir skemmtilegt heimboð á miðvikudagskvöldið og óskum honum jafnframt til hamingju með BMW bifreiðina sem nú er kominn í réttar hendur! Það eru nokkrar myndir frá kvöldinu komnar inn í myndaalbúmið okkar hér.

Fornbíladeildin

Seinasta umferð Íslandsmótsins í kvartmílu fer fram á kvartmílubrautinni í Kaphelluhrauni á morgun og hefst keppnin kl. 14:00.- Miðaverð er krónur 1.000.- en frítt er fyrir 12 ára og yngri. Það eru 32 keppendur skráðir til leiks í keppnina og úrslit Íslandsmótsins ráðast í þessari keppni. Hér má sjá lista yfir skráða keppendur:

Lesa meira

Hér má sjá stöðuna í Íslandsmótinu í sandspyrnu 2010 þegar aðeins ein keppni er eftir. Þessi stigagjöf er sett upp eftir keyrslu keppnanna tveggja sem þegar hafa farið fram - en úrlit gætu breyst lítisháttar í bílaflokkum þegar staðfestur listi yfir handhafa ársskírteina frá Akstursíþróttanefnd ÍSÍ/LÍA liggur fyrir.

Fornbíladeildin hittist að venju kl. 20:30.- í félagsheimilinu okkar í kvöld en fljótlega uppúr því munum við taka stuttan rúnt upp að snjóalínu og heimsækja hann Gunnar Rúnarsson. Gunnar er nýlega kominn heim með 1969 BMW 2002 sem á sér langa sögu í fjölskyldu hans. Meira um þetta í kvöld!

Fornbíladeildin

Erum komnir með vænlegt myndasafn frá Ólafshús sandspyrnunni inn í myndaalbúmið okkar en þessar myndir eru frá honum Bigga Péé og kunnum við honum bestu þakkir fyrir frábærar myndir! Myndirnar er hægt að skoða hér.

Hér má nálgast tíma allra keppenda úr Ólafshús sandspyrnunni  á laugardag. Þetta er raðað eftir flokkum, tímatökur fyrst og svo keyrsla keppninnar. Njótið;)


Lesa meira

Við þökkum Bílaklúbbi Skagafjarðar, keppendum, starfsmönnum, stuðningsaðilum og áhorfendum fyrir frábæran dag á Sauðárkróki í dag. Besta tíma dagsins setti Kristján Skjóldal með miklum tilþrifum en hann fór brautina á 3,58 sek. og mældist á 163 kílómetra hraða á þeim 91,44 metrum sem sandspyrnubrautin er. Hér má annars sjá úrslit dagsins í dag.
 

Minnum á verðlaunahófið í kvöld en það fer fram á Kaffi Krók. Húsið opnar fyrir okkur kl. 19:00.- og við ráðgerum að byrja borðhald upp úr átta. Það verður veitt vel að hætti hússins og svo horfum við einnig saman á svipmyndir frá deginum áður en verðlaunaafhendingin sjálf fer fram. Miðaverð á verðlaunahóf og mat er 2.800.- krónur og svo fá allir gestir hjá okkur 500 króna afslátt af miðverði á ball með Geirmundi síðar um kvöldið - það verður ekki Skagfirskara en það!!

Fornbíladeildin mun verða með skemmtilega vettvangsferð á prjónunum í kvöld en þá mun hún ætla í skoðunarferð í Mótorhjólasafn Íslands - en safnið er nú senn að taka á sig endanlega mynd. Það er mæting við félagsheimili Bílaklúbbsins kl. 20:30.- og svo verður sameiginleg brottför þaðan kl. 21:00.- stundvíslega. Hvetjum sem flesta til þess að mæta, bílandi eða hjólandi!

Fornbíladeildin.